خاص للبنات شي حلوو :)

موضوع: خاص للبنات شي حلوو :) 16/1/2010, 11:22 pm

ماراح اتكلم بأسلوب وشسمه بأتكلم بأٍسلوبنـآ كـ بنـآت..

بنـآت..

مره رحت لمسجد صلاه القيام .. شفت بنات كثير بأعمارنا من 16 الى العشرينات واكبر ..

بنات لبسو عبايات كتف وبناطيل و و و لكن ايش..

تركو السوق والتلفزيون والاغاني وجو للمسجد ..

وش معنى هذا..!

مو معنى المسجد

يمكن صليتي في بيتك ورفعتي يدك ودعيتي من قلبك..

وبـ ذلك بكيتي والشيخ يدعي..

تسمعين الشيخ يقول ..{ يارب ندعوك دعاء المسكين من كثرت ذنوبه وقلت حسناته }

وتسمعين { سبحان من ستر القبيح واظهر الجميل },,

تسمعين يقول { سبحانك تطاع فـ تغفر وتعصى فـ تغفر }..

تبكين من قلبك او يعورك قلبك ..

تحسين انك صح كذا تحسين فجأه انك ولا شيL

يعني وش سوينا نحس ان حنا مغترين بأنفسنا..

تدرون في احاديث للرسول واقوال للصحابه
ان في زمن ان الرجل يصلي ستين سنه وماتقبل له سجده وحده K..

معقوووووول.!

ايه ولا سجده يعني تركعين وتقومين
وتسلمين ماتدرين كم صليتي وترقعينها بالسهو ..

بنات الى متى انا وانتو كذا..

قسم بالله مهيب حاله يعني يجيني حاله اقول ودي اني بعهد الصحابه L..

الى متى وحنا بغفلتنا,,

نصلي ونبكي و و..

يجي العيد وبعد العيد ونرجع لخنبقتنا وننسى ..

طيب انا وانتي خلينا نفكر بـ شي من الحين دام الهمه فيني وفيك الحين..

مثلا نسوي صندوق بالبيت او بغرفتك كل يوم حطي ريال ..

بدل هالشيبس اللي كل يوم نجيب 4 للشله..

نتبرع بريال للصندوق ...

وريال على الريال تصير 10..

تدرين ليه ريال عشان ماتثقل عليك واللي لها قدره الله يجزاها خير..

وعطيها مثلا هاللي ينظفون بالاسواق ولا سواقكم ولا شغالتكم ..

تراهم ماجو هنا الا للحاجه..

واذا كانت تتعنفق ولا تنافخ ..

خلي قلبك اكبر واكسبيها باجر ربي وماجوووووووووره,,

ولسانك ..

اللعن ..

زي العاده ..

شفتو ابله فلانه الله ..... تستهبل هي وواجباتها..

ولا الدكتور/هـ ودي اذبحها الله .........

ولا اخوي الحمـ.... فصل النت .الله .......

عودي نفسك تتركين العاده ..

اذا لعنتي فجأه عاقبي نفسك واستغفري 40 مره مثلا =)..

واحسني خلقك مع أي احد..

تدرين الابتسامه لها اجر..

تمر وحده من جنبك .. لاتمدين الكشره متر ..

لا ابتسمي..

انا مره رحت مكان ماعرف احد فيه وفيه بنت ابتسمت لي تمنيت اني هي..

الابتسامه لها دوووووووووووووووووور..

عبايتك ..

انتي عارفه خطأك اكيد بس خليني اقولك عن شي..

مره كانت فاطمه بنت النبي تبكي من قلب وتصييييييييييييييييييح..

جتها عائشه رضي الله عنهم جميع..

تقولها مابالك .!

اعلمك وش قالت ..؟!

قالت بمجمل كلامها .. الحين إذا انا مت وشالوني الرجال بييبن جسمي وبيبان خصري

يعني شكل جسمي بيبان..

اذا فاااااااااااااااطمه بنت الرسول كذا تفكيرها

وهي الحين ميته..

وحنا العبايه واسعه لكن مع الشنطه وشد العبايه مع الخصر يبان كل شي

بنات تكفون خلونا نتغير ..

وربي ماراح ينفعنا شي..

واللي ابتليت بجوال مع الشباب ولا الماسن..

تأكدي هالشخص اذا انحطيتي بقبرك وجاءك ربي يقولك وسألك ليه سويتي كذا.ّ

وش ردك عليه..!

بنات والله ماينفعك..

تدرين ليه اقول كذا .. لاني اعرف كثير وعارفه هالشي صعب..

لكن احببببببببببببببببك
لاني احس انو شي صعب بس من ترك شي لله عوضه الله خير منـه..

اتركيه هالشخص ووضحي له انك تعدلتي..

شي احسن من لاشي ..

صح علي..

حاولي و حاولي وحاولي..

وادعي لربك قولي يارب لاتعلق قلبي بأحد واهدني واني احذف اللي عندي وعطني قوه وعزيمـه..

بنات..

تكفون .. =)..

عدلي لو شي واحد وادعي لربي لنفسك دائم..

صح ولا انسى الاغاني والافلام الامريكي والكوري<~ يارب صبرنا وأعنا..

اذا انحطيتي بقبرك ماراح يٍسألو عنك ..

بتنحطين بقماش وذنوبك معك..

حاولي انك دايم تذكرين صحباتك بالجنه والاشياء ..

تخيلو اليوم سمعت عن قصه ..

في اثنين أصحاب ..

كانو قاعدين بمكان <~ اجل وين..

المهم..

قامو يتكلمون عن الجنه والنار والخ.!

واحد دمعت عينه بذكر النار خاف منها..

بعدها بمده توفى صاحبنا ..

وجاء لخويه بالحلم ..

قاله صاحبه يافلان وش اخبارك..!

قال اخباري..

انا بالفردوس الاعلى اعلى شي بالجنه..

قاله صديقه ليه..؟

قال تذكر يوم نقعد نسولف انا وانت وذكرنا النار ودمعت عيني..

هذا اللي دخلني الجنه..

شفتي ربي قد ايش كريم..

وربي ربي شي كبيييييييييييييييييييييييير..

بنات..

طولت عليكم..

بس وربي ضايق صدري ع حالنا هالبايخ..

تكفون خلينا نتحمس سواء ونتعدل مع بعض..

الله يخليكم..

لي طلب اخيرا..

اذا اعجبك وعارفه اسلوبي مدري وش يبي...

بس ارسليه لاقرب شخص لك ..

اللي تحبينها وتخافين عليها..

من نار جهنم..

لا يقولك هالسخيف<~ تقصد ابليس

كلامه المعروف..

لا خذي اجر لو سمحتي..

واذا بغيتي تحطينه بمنتدى بتصيرين بطله...

واخيراً..<~ ياكثر الاخيرا

لاتنسووني من دعاءكم ..

موضوع: رد: خاص للبنات شي حلوو :) 17/1/2010, 4:43 pm

آآآآآهـ بس ,,
من جد ,,, حالنا مايسر ,, =(

الله يرحمنا برحمته,, ويغفر لنا ,, ويجعل الجنة دارنا

أدري كثيييير ناس قالوا بنتغير وتحمسوا ,, وبعد فترة رجعوا زي أول ..!
ليه؟؟!
معقولة يعني الشيطان بتفاهته وحقارته أقوى منا!!!

ليه مانبدأ خطوة بخطوة ,,
طبعا القلب مايستلذ بالطاعة وهو أسود مليان ذنوب ,,
( إن العبد إذا أخطأ خطيئة نكتت في قلبه نكتة سوداء فإذا هو نزع واستغفر وتاب سقل قلبه وإن عاد زيد فيها حتى تعلو قلبه وهو الران الذي ذكر الله كلا بل ران على قلوبهم ما كانوا يكسبون) الراوي: أبو هريرة المحدث: الترمذي - المصدر: سنن الترمذي - الصفحة أو الرقم: 3334
خلاصة حكم المحدث: حسن صحيح

فعشان كذا بنكفر ذنوبنا ,, ونعاقب أنفسنا ,,
مثلا في الاجتماعات والسوالف نادرا مايخلو مجلس من غيبة ونميمه ,,
فاقترحت وحده من البنات في الكلية (الله يجزاها خير ويجعلها في أعلى منازل الجنة) ان كل وحدة تتكلم في أحد أو تغتابه حتى الهمز والغمزة تعتبر غيبة تدفع ريال لكل (حشه) :>:

طبعا عشان مانثقل ,, واللي تبي تتصدق وتزيد وتكفر عن أي شيء باب الخير مفتوح ,, نجمع هالمبالغ في حصاله او محفظة وبعد مدة بنفتحها ونعطيها المستخدمات (العاملات) في الكلية ,, او اللي حابين يجعلونها في صدقة جارية ,, وأبواب الخير كثيرة ,,
وهلم جرا في جميع المعاصي ,, كفري عنها اما بصدقة او صيام او قيام او قراءة قران ,, أو عاقبي نفسكـ بشيء يحسين انه فعلا يردعكـ ,,

قدرتنا على الحفظ ,, ماشاء الله تباركـ الرحمن ,, اللي حافظة قائمة من الاعاني واللي قصايد ومعلقات ! واللي كتب وفلسفة ,,
اسألي نفسكـ ,, أنا وصلت لأي مرحلة؟؟! والسنوات اللي راحت كم كتاب حفظت؟ وكم صفحة؟؟!!!
ووقفت على القرآن ,,, كلام الله ,, عمرنا راح ماحفظنا شيء يشفع لنا يوم القيامة ,, صلواتنا مانقرأ فيها الا أقصر السور..؟!!
لما يسألنا ربي ,, وش بنجاوب خاص للبنات شي حلوو :) 244703

؟
ولاتقولون صعب ,, (ولقد يسرنا القران للذكر فهل من مدكر)
لو كل يوم نحفظ آية بس آية ,, وكل وحدة وقدرتها ,, شيء يفرحكـ دنيا وآخرة ,, وش فرحة أهلكـ ووالديكـ
بيفرحون لكـ في الدنيا ,, وفرحتهم في الآخرة غييير ,,
عن أبي هريرة قال : قال رسول الله صلَّى الله عليه وسلم : " يجيء القرآن يوم القيامة كالرجل الشاحب يقول لصاحبه : هل تعرفني ؟ أنا الذي كنتُ أُسهر ليلك وأظمئ هواجرك ، وإن كل تاجر من وراء تجارته وأنا لك اليوم من وراء كل تاجر فيعطى الملك بيمينه والخلد بشماله ويوضع على رأسه تاج الوقار ، ويُكسى والداه حلَّتين لا تقوم لهما الدنيا وما فيها ، فيقولان : يا رب أنى لنا هذا ؟ فيقال لهما : بتعليم ولدكما القرآن " . رواه الطبراني في " الأوسط " ( 6 / 51 ) .
طبعا حافظ القران لاتنسون له فضل عظيم في الدنيا والآخرة ,, بأنزل إن شاء الله موضوع خاص فيه,,

وسماع القران من مقرئ تفضلينه يسهل عليكـ الحفظ مررره ,, حتى لو كنتِ دايم تسمعينها مو بنية الحفظ ,, بتتفاجئين بعد مدة انكـ لما تفتحينه ,, بتصيرين تسبقينه في القراءة,,

ليه مايكون لنا جزء يومي لقراءة القران ,, مثلا قبل النوم لو نصف وجه
ولاتنسون ان كل حرف فيه أجر ,, والأجر مضاعف ,,

صلاة الوتر ,, ليه نتكاسل عنها ,, مع ان الرسول صلى الله عليه وسلم كان مداوم عليها,,
مع انها ركعة وحدة ,, عالاقل بنصليها بعد صلاة العشاء,,

واللي عزيمتها قويه ,, وبتقوم قبل أذان الفجر وتصلي لها كم ركعة مع الوتر ,, فهذي لها الأجر العظيم,,

وأبواب الخير كثييييييره والإسلام ميسرها علينا ,, في كل أمورنا أكلنا وشربنا ونومنا وابتسامتنا وحتى الشوكة اللي تصيبنا ,, لما نحتسب فيهم الأجر ,, بتكون لنا عبااادة,,

ما يصيب المسلم ، من نصب ولا وصب ، ولا هم ولا حزن ولا أذى ولا غم ، حتى الشوكة يشاكها ، إلا كفر الله بها من خطاياه
الراوي: أبو هريرة المحدث: البخاري - المصدر: صحيح البخاري - الصفحة أو الرقم: 5641
خلاصة حكم المحدث: [صحيح]

والكلام يطول في هالموضوع ,, بس مانقول الا ,,
اللهم يامقلب القلوب والأبصار ثبت قلوبنا على دينكـ وطاعتكـ ,,
وحبب إلينا الايمان وزينه في قلوبنا وأبعد عنا الكفر والفسوق والعصيان,,
آآمين,,

مشكوره عالموضوع ,, الله يرزقكـ الفردوس الأعلى ,, و والديكـ ومن تحبين,,
خاص للبنات شي حلوو :) 14723

موضوع: رد: خاص للبنات شي حلوو :) 17/1/2010, 8:31 pm

مشكوووره مون خيتو على الموضوع

والله ما اقدر اضيف على كلامك ولا شي
استغفر الله الله لا يعاقبنا يا ربي

والله لازم نحاوب بقدر المستطاااع

والله يهدينا يا ربي

» مترجم مرره حلوو
» فوائد نبتة الميرامية للبنات